shaayad abhi baaqi hai kuchh aag mohabbat ki — Ehsan Darbhangavi

tum is taraf se guzar chuki ho magar gali gungunaa rahi hai
tumhaari paazeb kaa vo naghma fazaa mein ab tak khanak rahaa hai

— Ehsan Darbhangavi

baDi mushkilon se kaaTaa baDe karb se guzaaraa
tire baa'd koi lamha jo milaa kabhi khushi kaa

— Ehsan Darbhangavi

shauq ke mumkinaat ko donon hi aazmaa chuke
tum bhi fareb khaa chuke ham bhi fareb khaa chuke

— Ehsan Darbhangavi

nazar aati hai saari kaaenaat-e-mai-kada raushan
ye kis ke saaghar-e-rangin se phuTi hai kiran saaqi

— Ehsan Darbhangavi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr