apni laghzish ko to ilzaam na degaa koi — Farooq Shafaq

zehn ki aavaargi ko bhi panaahein chaahiye
yuun na shamon ko kisi dahliz par rakh kar bujhaa

din kisi tarah se kaT jaaegaa saDkon pe 'shafaq'
shaam phir aaegi ham shaam se ghabraaeinge

sunaa hai har ghaDi tu muskuraataa rahtaa hai
mujhe bhi jazb zaraa kar ke jism-o-jaan mein milaa

aaj sochaa hai jaagungaa main raat mein
kachche phal saa mujhe toDtaa kaun hai

shahr mein jiinaa hai chalnaa do-rukhi talvaar par
aadmi kis se bache kis ki taraf-daari kare

hone vaalaa thaa ik haadsa rah gayaa
kal kaa sab se baDaa vaaqia rah gayaa