Life

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī

rāz-e-hayāt pūchh le ḳhizr-e-ḳhajista gaam se
zinda har ek chiiz hai koshish-e-nā-tamām se

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

zindagī merī thī lekin ab to
tere kahne meñ rahā kartī hai

zindagānī kī haqīqat kohkan ke dil se pūchh
jū-e-shīr o tesha o sañg-e-girāñ hai zindagī

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo

rahegā saath tirā pyaar zindagī ban kar
ye aur baat mirī zindagī vafā na kare

umr bhar kaun nibhātā hai ta'alluq itnā
ai mirī jaan ke dushman tujhe allāh rakkhe

hosh vāloñ ko ḳhabar kyā be-ḳhudī kyā chiiz hai
ishq kiije phir samajhiye zindagī kyā chiiz hai

ham se khul jaao ba-vaqt-e-mai-parastī ek din
varna ham chheḌeñge rakh kar uzr-e-mastī ek din

be-ishq umr kaT nahīñ saktī hai aur yaañ
tāqat ba-qadr-e-lazzat-e-āzār bhī nahīñ

muflisoñ kī zindagī kā zikr kyā
muflisī kī maut bhī achchhī nahīñ

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham

phir usī bevafā pe marte haiñ
phir vahī zindagī hamārī hai

zindagī phailī huī thī shām-e-hijrāñ kī tarah
kis ko itnā hausla thā kaun jī kar dekhtā