ham kahaan sanbhle bichhaD kar us se haan kah sakte ho — Gulzar Moradabadi

baDaa dilchasp aur raahat bharaa thaa ye safar apnaa
chalo ab apni apni raah chalte hain khudaa-haafiz

— Gulzar Moradabadi

tapish se dhuup ki divaar bhi tap jaaegi 'gulzaar'
to behtar hai ki DhunDo tum kisi gulzaar kaa saayaa

— Gulzar Moradabadi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal