pari thi koi chhalaavaa thi yaa javaani thi — Hafeez Jaunpuri

is ko samjho na khatt-e-nafs 'hafiz'
aur hi kuchh hai shaaeri se gharaz

jo divaanon ne paimaaish ki hai maidaan-e-qayaamat ki
faqat do gaz zamin Thahri vo mere dasht-e-vahshat ki

o aankh badal ke jaane vaale
kuchh dhyaan kisi ki aajizi kaa

kabhi masjid mein jo vaaiz kaa bayaan suntaa huun
yaad aati hai mujhe pir-e-kharaabaat ki baat

ham na uThte hain na vo dete hain
haath mein paan hai kyaa mushkil hai

bahut duur to kuchh nahin ghar miraa
chale aao ik din Tahalte hue