sabhi to dost hain kyuun shak abas huaa mujh ko — Haidar Ali Jafri

aae Thahre aur ravaana ho gae
zindagi kyaa hai, safar ki baat hai

— Haidar Ali Jafri

khuun mazdur kaa miltaa jo na taamiron mein
na haveli na mahal aur na koi ghar hotaa

— Haidar Ali Jafri

kis ki sadaa fazaaon mein gunji hai chaar-su
kis ne mujhe pukaaraa hai bachpan ke naam se

— Haidar Ali Jafri

bhulaa na paayaa use jis ko bhuul jaanaa thaa
vafaaon se miraa rishta bahut puraanaa thaa

— Haidar Ali Jafri

kyaa zaruri hai ju-e-shir ki baat
kyuun na gang-o-jaman ki baat karein

— Haidar Ali Jafri

khinch detaa main zamaane pe mohabbat ke nuqush
mere qabze mein agar khaama-e-shahpar hotaa

— Haidar Ali Jafri

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi