kaabe ko jaataa kis liye hindostaan se main — Rind Lakhnavi

maut aa jaae qaid mein sayyaad
aarzu ho agar rihaai ki

ham jo kahte hain saraasar hai ghalat
sab bajaa aap jo farmaaiyegaa

kaafir huun na phunkun jo tire kaabe mein ai shaikh
naaqus baghal mein hai musallaa na samajhnaa

mai pilaa aisi ki saaqi na rahe hosh mujhe
ek saaghar se do aalam hon faraamosh mujhe

mai-kash huun vo ki puchhtaa huun uTh ke hashr mein
kyuun ji sharaab ki hain dukaanein yahaan kahin

agari kaa hai gumaan shak hai malaagiri kaa
rang laayaa hai dupaTTa tiraa mailaa ho kar

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

ye us kaa khel hai jis khel mein har baar vo yaaro
musalsal haar ke bhi mujh se aakhir jiit jaataa hai

ghar ghair ke jo yaar miraa raat se gayaa
ji siine se nikal gayaa dil haat se gayaa

kal raat main bahut hi alag saa lagaa mujhe
us ki nazar ne yuun miri surat khangaali dost

ab to har ek adaakaar se Dar lagtaa hai
mujh ko dushman se nahin yaar se Dar lagtaa hai