saamne aghyaar ke be-parda aur mujh se hijaab — Haji Laq Laq

ban ke leader so rahe to zindagi kis kaam ki
amn qaaem ho gayaa to leaderi kis kaam ki

— Haji Laq Laq

jhaDti hain un ke munh se jo manzum gaaliyaan
sun sun ke vaah vaah kiye jaa rahaa huun main

— Haji Laq Laq

naam ke saath ek do alfaaz ki dum chaahiye
sher phikaa hi sahi lekin tarannum chaahiye

— Haji Laq Laq

ab bhi vo kah rahe hain ki mere buzurg ho
kuchh bhi huaa na shave karaane se faaeda

— Haji Laq Laq

shaairon mein ab kahaan achchhe bure kaa imtiyaaz
loud-speaker ne sab kaa bol-baalaa kar diyaa

— Haji Laq Laq

main bhi ai jaan koi harijan thaa
bazm se kyuun uThaa diyaa tu ne

— Haji Laq Laq

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz