kahegi hashr ke din us ki rahmat-e-be-had — Hijr Nazim Ali Khan

aayaa bhi koi dil mein gayaa bhi koi dil se
aanaa nazar aayaa na ye jaanaa nazar aayaa

kuchh khabar hai tujhe o chain se sone vaale
raat bhar kaun tiri yaad mein bedaar rahaa

us bazm mein jo kuchh nazar aayaa nazar aayaa
ab kaun bataae ki hamein kyaa nazar aayaa

kabhi ye fikr ki vo yaad kyuun kareinge hamein
kabhi khayaal ki khat kaa javaab aaegaa

ai hijr vaqt Tal nahin saktaa hai maut kaa
lekin ye dekhnaa hai ki miTTi kahaan ki hai

haan haan tumhaare husn ki koi khataa nahin
main husn-e-ittifaaq se divaana ho gayaa