Maut

kaan meñ hai tere motī āb-dār
yā kisī āshiq kā aañsū bolnā

paas jab tak vo rahe dard thamā rahtā hai
phailtā jaatā hai phir aañkh ke kājal kī tarah

DhūñD ujḌe hue logoñ meñ vafā ke motī
ye ḳhazāne tujhe mumkin hai ḳharāboñ meñ mileñ

muflisoñ kī zindagī kā zikr kyā
muflisī kī maut bhī achchhī nahīñ

qaid-e-hayāt o band-e-ġham asl meñ donoñ ek haiñ
maut se pahle aadmī ġham se najāt paa.e kyuuñ

kahūñ kis se maiñ ki kyā hai shab-e-ġham burī balā hai
mujhe kyā burā thā marnā agar ek baar hotā

dard ho to davā kare koī
maut hī ho to kyā kare koī

havas ko hai nashāt-e-kār kyā kyā
na ho marnā to jiine kā mazā kyā

laḌkiyoñ ke dukh ajab hote haiñ sukh us se ajiib
hañs rahī haiñ aur kājal bhīgtā hai saath saath

apne qātil kī zehānat se pareshān huuñ maiñ
roz ik maut na.e tarz kī ījād kare

karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā

āḳhrī hichkī tire zānūñ pe aa.e
maut bhī maiñ shā.irāna chāhtā huuñ

ġham-e-hastī kā 'asad' kis se ho juz marg ilaaj
sham.a har rang meñ jaltī hai sahar hote tak

maut ke saath huī hai mirī shādī so 'zafar'
umr ke āḳhirī lamhāt meñ dūlhā huā maiñ

motī samajh ke shān-e-karīmī ne chun liye
qatre jo the mire araq-e-infi.āl ke

thā zindagī meñ marg kā khaTkā lagā huā
uḌne se pesh-tar bhī mirā rang zard thā

ham vo daraḳht haiñ ki jise dam-ba-dam ajal
arra idhar dikhātī hai ūdhar tabar qazā

vidā.a kartī hai rozāna zindagī mujh ko
maiñ roz maut ke mañjdhār se nikaltā huuñ

kājal mehñdī paan misī aur kañghī choTī meñ har aan
kyā kyā rang banāvegī aur kyā kyā naqshe Dhālegī

na aayā hameñ ishq karnā na aayā
mare umr-bhar aur marnā na aayā