us ki baalak-haT ke aage ghar chhoDaa bairaag liyaa — Ilyas Ishqi

koi qarya koi dayaar ho kahin ham akele nahin rahe
tiri justuju mein jahaan gae vahin saath dar-badari rahi

is uljhan ko suljhaane ki kaun si hai tadbir likho
ishq agar hai jurm to mujrim raanjhaa hai yaa hiir likho

vahi aag apnaa nasib thi ki tamaam umr jalaa kiye
jo lagaai thi kabhi ishq ne vahi aag dil mein bhari rahi

vaqt aayaa to khuun se apne daagh-e-nadaamat dho leinge
saaya-e-zulf mein jaagne vaale saaya-e-daar mein so leinge