kamar baandhe hue chalne ko yaan sab yaar baiThe hain — Insha Allah Khan Insha

ajiib lutf kuchh aapas ki chheD-chhaaD mein hai
kahaan milaap mein vo baat jo bigaaD mein hai

— Insha Allah Khan Insha

na chheD ai nikhat-e-baad-e-bahaari raah lag apni
tujhe aTkheliyaan sujhi hain ham be-zaar baiThe hain

— Insha Allah Khan Insha

kyaa hansi aati hai mujh ko hazrat-e-insaan par
fe'l-e-bad khud hi karein laa'nat karein shaitaan par

— Insha Allah Khan Insha

pahunchun main kis ki kohna haqiqat ko aaj tak
'inshaa' mujhe milaa nahin apnaa hi kuchh suraagh

— Insha Allah Khan Insha

main ne jo kachkachaa kar kal un ki raan kaaTi
to un ne kis maze se meri zabaan kaaTi

— Insha Allah Khan Insha

jazba-e-ishq salaamat hai to inshaa-allaah
kachche dhaage se chale aaeinge sarkaar bandhe

— Insha Allah Khan Insha

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz