Insha Allah Khan Insha

"baiThta hai jab tundila shaikh aa kar bazm men ik baDa maTka sa rahta hai shikam aage dhara"

"har-chand ki aasi huun pa ummat men huun us ki jis ka hai qadam arsh-e-mua.alla se bhi baala"

"na chheD ai nik.hat-e-bad-e-bahari raah lag apni tujhe aTkheliyan sujhi hain ham be-zar baiThe hain"

"na kah tu shaikh mujhe zohd siikh masti chhoD tiri pasand juda hai miri pasand juda"

"kaaTe hain ham ne yunhi ayyam zindagi ke sidhe se sidhe-sade aur kaj se kaj rahe hain"

"kar leta huun band ankhen main divar se lag kar baiThe hai kisi se jo koi pyaar se lag kar"

ajiib lutf kuchh aapas ki chheD-chhaaD mein hai
kahaan milaap mein vo baat jo bigaaD mein hai

na chheD ai nikhat-e-baad-e-bahaari raah lag apni
tujhe aTkheliyaan sujhi hain ham be-zaar baiThe hain

kyaa hansi aati hai mujh ko hazrat-e-insaan par
fe'l-e-bad khud hi karein laa'nat karein shaitaan par

kamar baandhe hue chalne ko yaan sab yaar baiThe hain
bahut aage gae baaqi jo hain tayyaar baiThe hain

pahunchun main kis ki kohna haqiqat ko aaj tak
'inshaa' mujhe milaa nahin apnaa hi kuchh suraagh

jazba-e-ishq salaamat hai to inshaa-allaah
kachche dhaage se chale aaeinge sarkaar bandhe