ab tū darvāze se apne naam kī taḳhtī utaar — Shayari Of Iqbal Sajid

'sājid' tū phir se ḳhāna-e-dil meñ talāsh kar
mumkin hai koī yaad purānī nikal paḌe

ġhurbat kī tez aag pe aksar pakā.ī bhuuk
ḳhush-hāliyoñ ke shahr meñ kyā kuchh nahīñ kiyā

hote hī shaam jalne lagā yaad kā alaao
aañsū sunāne dukh kī kahānī nikal paḌe

sūraj huuñ chamakne kā bhī haq chāhiye mujh ko
maiñ kohr meñ lipTā huuñ shafaq chāhiye mujh ko

mile mujhe bhī agar koī shaam fursat kī
maiñ kyā huuñ kaun huuñ sochūñgā apne baare meñ

pyāso raho na dasht meñ bārish ke muntazir
maaro zamīñ pe paañv ki paanī nikal paḌe