pyaaso raho na dasht mein baarish ke muntazir — Iqbal Sajid

suraj huun chamakne kaa bhi haq chaahiye mujh ko
main kohr mein lipTaa huun shafaq chaahiye mujh ko

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo chaand hai to aks bhi paani mein aaegaa
kirdaar khud ubhar ke kahaani mein aaegaa

ab tu darvaaze se apne naam ki takhti utaar
lafz nange ho gae shohrat bhi gaali ho gai

suraj huun zindagi ki ramaq chhoD jaaungaa
main Duub bhi gayaa to shafaq chhoD jaaungaa

baDh gayaa hai is qadar ab surkh-ru hone kaa shauq
log apne khuun se jismon ko tar karne lage

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tamaam umr tiraa intizaar kar leinge
magar ye ranj rahegaa ki zindagi kam hai

tere aane kaa intizaar rahaa
umr bhar mausam-e-bahaar rahaa

yaaro duaa karo ye koi haadsa na ho
pahle yuun intizaar mein lazzat kabhi na thi

tamaam raat tiraa intizaar hotaa rahaa
ye ek kaam yahi kaarobaar hotaa rahaa

dil ko jalaae rakkhaa hai ham ne charaagh saa
is ghar mein ham hain aur tiraa intizaar hai