divaarein to har taraf khaDi hain — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

uThaa ke sar mujhe itnaa to dekh lene de
ki qatl-gaah mein divaane aae hain kyaa kyaa

dil ki naazuk ragein TuTti hain
yaad itnaa bhi koi na aae