az-sar-e-nau fikr kaa aaghaaz karnaa chaahiye — Kavish Badri

ek bosa honT par phailaa tabassum ban gayaa
jo haraarat thi miri us ke badan mein aa gai

— Kavish Badri

ab na vo ahbaab zinda hain na rasm-ul-khat vahaan
ruuTh kar urdu to dehli se dakan mein aa gai

— Kavish Badri

shaairi mein anfus-o-aafaaq mubham hain abhi
istiaara hi haqiqat mein khudaa saa khvaab hai

— Kavish Badri

javaab dene ki mohlat na mil saki ham ko
vo pal mein laakh savaalaat kar ke jaataa hai

— Kavish Badri

maahaul sab kaa ek hai aanhkein vahi nazrein vahi
sab se alag raahein miri sab se judaa manzar miraa

— Kavish Badri

meri aavaaz ko aavaaz ne taqsim kiyaa
radio mein huun telephone ke andar huun main

— Kavish Badri

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi