ek ek kar ke log nikal aae dhuup mein — Khatir Ghaznavi

insaan huun ghir gayaa huun zamin ke khudaaon mein
ab bastiyaan basaaungaa jaa kar khalaaon mein

'khaatir' ab ahl-e-dil bhi bane hain zamaana-saaz
kis se karein vafaa ki talab apne shahr mein

ye kaun chupke chupke uThaa aur chal diyaa
'khaatir' ye kis ne luuT liin mahfil ki dhaDkanein

go zaraa si baat par barson ke yaaraane gae
lekin itnaa to huaa kuchh log pahchaane gae

ik tajassus dil mein hai ye kyaa huaa kaise huaa
jo kabhi apnaa na thaa vo ghair kaa kaise huaa

kaisi chali hai ab ke havaa tere shahr mein
bande bhi ho gae hain khudaa tere shahr mein