subh gar subh-e-qayaamat ho to kuchh parvaa nahin — Khwaja Aminuddin Ameen

gaaliyaan ghair se sunaate ho
haan miyaan aur tum se kyaa hogaa

— Khwaja Aminuddin Ameen

main dar-guzraa saahib-salaamat se bhi
khudaa ke liye itnaa barham na ho

— Khwaja Aminuddin Ameen

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

— Ali Akbar Natiq

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal