mansub charaaghon se taraf-daar havaa ke — Komal Joya

ab kisi aur taraf baat ghumaane vaale
main samajhti huun tiri baat kaa matlab samjhe

andhere kamre mein raqs karti rahegi vahshat
aur ek kone mein paarsaai paDi rahegi

main khaandaan ki paabandiyon se vaaqif thi
khudaa kaa shukr hai us shakhs ne vafaa nahin ki

ek din tujh ko aachaanak ye khabar aaegi
tere bimaar shifaa-yaab nahin ho paae

savaal kaun uThaaegaa munsifon pe huzur
bari hue sabhi mujrim gavaah qaid mein hai