aise chhute hain tasavvur mein tujhe ham chup-chaap — Majaz Jaipuri

meri aankhein hain tire husn ki goyaa tasvir
main ne dekhaa hai tire husn kaa aalam chup-chaap

— Majaz Jaipuri

kab kaa guzar chukaa hai divaangi kaa aalam
phir bhi 'majaaz' apnaa daaman rafu kare hai

— Majaz Jaipuri

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

— Ali Akbar Natiq

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi