tere aate hi dekh raahat-e-jaan — Mardan Ali Khan Rana

rasm ulTi hai khub-ruyon ki
dost jis ke bano vo dushman hai

ki riyaa se na shaikh ne tauba
mar gayaa vo gunaahgaar afsos

jis ko dekho vo nuur kaa buqa
ye paristaan hai ki london hai

pyaar ki baatein kijiye saahab
lutf sohbat kaa guftugu se hai

uThaayaa us ne biiDaa qatl kaa kuchh dil mein Thaanaa hai
chabaanaa paan kaa bhi khuun bahaane kaa bahaana hai

diyaa vo jo na thaa vahm-o-gumaan mein
bhalaa main aur kyaa maangun khudaa se