Mardan Ali Khan Rana

"uThaya us ne biiDa qatl ka kuchh dil men Thana hai chabana paan ka bhi khuun bahane ka bahana hai"

"na puchho ham-safaro mujh se majra-e-vatan vatan hai mujh pe fida aur main fida-e-vatan"

"har dam dam-e-akhir hai ajal sar pe khaDi hai dam-bhar bhi ham is dam ka bharosa nahin karte"

"le qaza ehsan tujh par kar chale ham tire aane se pahle mar chale"

"hua yaqin ki zamin par hai aaj chand-gahan vo maah chehre pe jab Daal kar naqab aaya"

"rah-e-ulfat men mulaqat hui kis kis se dasht men qais mila koh men farhad mujhe"

rasm ulTi hai khub-ruyon ki
dost jis ke bano vo dushman hai

ki riyaa se na shaikh ne tauba
mar gayaa vo gunaahgaar afsos

tere aate hi dekh raahat-e-jaan
chain hai sabr hai qaraar hai aaj

jis ko dekho vo nuur kaa buqa
ye paristaan hai ki london hai

pyaar ki baatein kijiye saahab
lutf sohbat kaa guftugu se hai

diyaa vo jo na thaa vahm-o-gumaan mein
bhalaa main aur kyaa maangun khudaa se