pyaar ki baatein kijiye saahab — Mardan Ali Khan Rana

rasm ulTi hai khub-ruyon ki
dost jis ke bano vo dushman hai

ki riyaa se na shaikh ne tauba
mar gayaa vo gunaahgaar afsos

tere aate hi dekh raahat-e-jaan
chain hai sabr hai qaraar hai aaj

jis ko dekho vo nuur kaa buqa
ye paristaan hai ki london hai

uThaayaa us ne biiDaa qatl kaa kuchh dil mein Thaanaa hai
chabaanaa paan kaa bhi khuun bahaane kaa bahaana hai

diyaa vo jo na thaa vahm-o-gumaan mein
bhalaa main aur kyaa maangun khudaa se

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

jo tire ishq mein tabaah huaa
koi us ko tabaah kar na sakaa

kyaa kahaa ishq jaavedaani hai!
aakhiri baar mil rahi ho kyaa

dil kaun hai ki us se kahein raaz-e-ishq ham
tere khayaal se bhi na ham guftugu karein