ham se vahshi nahin hone ke giraftaar kabhi — Mazaq Badayuni

zabaan par aah rahi lab se lab kabhu na milaa
tiri talab to mili kyaa huaa jo tu na milaa

saat aasmaan ki sair hai pardon mein aankh ke
aankhein khulin to turfa tamaashaa nazar paDaa

vaaiz buton ke aage na furqaan nikaaliye
surat se un ki maani-e-quraan nikaaliye

nikal gayaa miri aankhon se misl-e-khvaa-o-khayaal
guzar gayaa dil-e-raushan se vo nazar ban kar