kyaa sabab batlaaein hanste hanste baaham ruk gae — Mirza Ali Lutf

aaj kyaa jaane vo kyuun aaraam-e-jaan aayaa nahin
harf-e-ranjish kal to koi darmiyaan aayaa nahin

yahi to kufr hai yaaraan-e-be-khudi ke huzur
jo kufr-o-din kaa mire yaar imtiyaaz rahaa

khul gayaa ab ye ki vasl us kaa khayaal-e-khaam hai
aaj ummidon kaa dil hi dil mein qatl-e-aam hai

na kar ai 'lutf' naahaq rahravaan-e-dair se hujjat
yahi rasta to khaa kar pher hai kaabe ko jaa niklaa

begaanon ne kabhi na vo kaanon sunaai baat
afsos aashnaa ne jo aankhon dikhaai baat

huaa aavaara hindostaan se 'lutf' aage khudaa jaane
deccan ke saanvlon ne maaraa yaa inglan ke goron ne