khushk gul phir bhi kitaabon mein bhale lagte hain — Nitin Nayab

'ishq ki chaadar laayaa huun aur khaas baat ye hai is mein
jitne pair pasaaro ye utni lambi ho jaati hai

— Nitin Nayab

dukh ke baazaar mein ham zabt kamaane vaale
ashk ko aankh kaa nuqsaan kahaa karte hain

— Nitin Nayab

sar yuun jhukte chale jaate hain ki gir hi na paDein
aisi 'izzat mire sarkaar buri lagti hai

— Nitin Nayab

kisi samundar se ek qatra agar nikal kar nadi ki jaanib
qadam uThaa le to vo safar ik misaal hogaa kamaal hogaa

— Nitin Nayab

kahin se aa kar kuchh lahron ne Dubo hi Daalaa thaa aur phir
kahin se aa kar kisi ne meri jaan bachaai paani mein

— Nitin Nayab

ham apne pairon kaa ek kaanTaa nikaalne ke liye ruke the
bas itne lamhe kaa bitnaa thaa ki ham se aage nikal gae sab

— Nitin Nayab

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath

— Parveen Shakir