us ki khvaahish hai ki ab log na roein na hansein — Pirzada Qasim

ik sazaa aur asiron ko sunaa di jaae
yaani ab jurm-e-asiri ki sazaa di jaae

— Pirzada Qasim

shahr talab kare agar tum se ilaaj-e-tiragi
saahab-e-ikhtiyaar ho aag lagaa diyaa karo

— Pirzada Qasim

tumhein jafaa se na yuun baaz aanaa chaahiye thaa
abhi kuchh aur miraa dil dukhaanaa chaahiye thaa

— Pirzada Qasim

gham se bahal rahe hain aap aap bahut ajiib hain
dard mein Dhal rahe hain aap aap bahut ajiib hain

— Pirzada Qasim

khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

— Pirzada Qasim

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

— Parveen Shakir