us shaan-e-aajizi ke fidaa jis ne 'aarzu' — Arzoo Lakhnavi

nazar bachaa ke jo aansu kiye the main ne paak
khabar na thi yahi dhabbe baneinge daaman ke

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

aap apne se barhami kaisi
main nahin koi aur hai ye bhi

phir chaahe to na aanaa o aan baan vaale
jhuTaa hi vaada kar le sachchi zabaan vaale

hasraton kaa dil se qabza uTh gayaa
ghaasibon ki hukmraani khatm hai

jazb-e-nigaah-e-shoabada-gar dekhte rahe
duniyaa unhin ki thi vo jidhar dekhe rahe

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main ne phulon ki aarzu ki thi
aankh mein motiyaa utar aayaa!!

dil vo sahraa hai jahaan hasrat-e-saaya bhi nahin
dil vo duniyaa hai jahaan rang hai raanaai hai

ishq ki tamannaa thi ishq ki tamannaa hai
ishq hi ki raahon mein mastiyon kaa mela hai

use bhi jaate hue tum ne mujh se chhin liyaa
tumhaaraa gham to miri aarzu kaa zevar thaa