kis liye daava-e-zulekhaai — Qalaq Merathi

naala kartaa huun log sunte hain
aap se meraa kuchh kalaam nahin

amn aur tere ahd mein zaalim
kis tarah khaak-e-rahguzar baiThe

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

ham us kuche mein uThne ke liye baiThe hain muddat se
magar kuchh kuchh sahaaraa hai abhi be-dast-o-paai kaa

be-takalluf maqaam-e-ulfat hai
daagh uTThe ki aabla baiThe

tu hai harjaai to apnaa bhi yahi taur sahi
tu nahin aur sahi aur nahin aur sahi