amn aur tere ahd mein zaalim — Qalaq Merathi

naala kartaa huun log sunte hain
aap se meraa kuchh kalaam nahin

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

ham us kuche mein uThne ke liye baiThe hain muddat se
magar kuchh kuchh sahaaraa hai abhi be-dast-o-paai kaa

kufr aur islaam mein dekhaa to naazuk farq thaa
dair mein jo paak thaa kaabe mein vo naapaak thaa

tu hai harjaai to apnaa bhi yahi taur sahi
tu nahin aur sahi aur nahin aur sahi

aasmaan ahl-e-zamin se kyaa kudurat-naak thaa
muddai bhi khaak thi aur muddaaa bhi khaak thaa