le kar rukh par itne kalank — Shaanul Haq Haqqi

baDi talaash se milti hai zindagi ai dost
qazaa ki tarah pataa puchhti nahin aati

— Shaanul Haq Haqqi

tum se ulfat ke taqaaze na nibaahe jaate
varna ham ko bhi tamannaa thi ki chaahe jaate

— Shaanul Haq Haqqi

log tum se bhi sitam-pesha kahaan hote hain
jo kahin kaa na rakhein aur phir apnaa na kahein

— Shaanul Haq Haqqi

vaae tilism-e-naqsh-e-farang
bhuul gayaa urdu bhi main

— Shaanul Haq Haqqi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

— Bekhud Dehlvi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

— Qateel Shifai

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

— Afzal Gauhar Rao