gham hai na ab khushi hai na ummid hai na yaas — Khumar Barabankavi

dushmanon se pashemaan honaa paDaa hai
doston kaa khulus aazmaane ke baad

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

ye kahnaa thaa un se mohabbat hai mujh ko
ye kahne mein mujh ko zamaane lage hain

phuul kar le nibaah kaanTon se
aadmi hi na aadmi se mile

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ab ke safar mein dard ke pahlu ajiib hain
jo log ham-khayaal na the ham-safar hue

chalnaa likhaa hai apne muqaddar mein umr bhar
manzil hamaari dard ki raahon mein gum hui

palaT ke aae na aae koi sune na sune
sadaa kaa kaam fazaaon mein gunjte tak hai

sadaa-e-shahr fusun hai nazar na dar se haTaa
vo misl-e-sang huaa jis ne lauT kar dekhaa