tujhe shanaakht nahin hai mire lahu ki kyaa — Shoaib Nizam

kyaa khatm na hogi kabhi sahraa ki hukumat
raste mein kahin to dar-o-divaar bhi aae

— Shoaib Nizam

ye ek saaya ghanimat hai rok lo varna
ye raushni ke badan se lipaTne vaalaa hai

— Shoaib Nizam

khud se faraar itnaa aasaan bhi nahin hai
saae kareinge pichhaa koi kahin se nikle

— Shoaib Nizam

itnaa nuur kahaan se laaun taariki ke is jangal mein
do jugnu hi paas the apne jin ko sitaara kar rakkhaa hai

— Shoaib Nizam

tumhaare khvaab lauTaane pe sharminda to hain lekin
kahaan tak itne khvaabon ki nigahbaani kareinge ham

— Shoaib Nizam

miyaan baazaar ko sharminda karnaa kyaa zaruri hai
kahin is daur mein tahzib ke zevar badalte hain

— Shoaib Nizam

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

shafaq kaa rang kitne vaalehaana-pan se bikhraa hai
zamin o aasmaan ne mil ke unvaan-e-sahar likkhaa

— Aziz Ahmad Khan Shafaq