haan dikhaa de ai tasavvur phir vo subh o shaam tu — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

nigaah-e-ishq dil-e-zinda ki talaash mein hai
shikaar-e-murda sazaa-vaar-e-shaahbaaz nahin

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

kahnaa kisi kaa subh-e-shab-e-vasl naaz se
hasrat tumhaari jaan hamaari nikal gai

shabaab Dhalte hi aai piiri maaal par ab nazar hui hai
baDi hi ghaflat mein shab guzaari kahaan pahunch kar sahar hui hai

yaad aati hai achchhi si koi baat sar-e-shaam
phir subh talak sochte rahte hain vo kyaa thi

tu jis ke khvaab mein aayaa ho vaqt-e-subh sanam
namaaz-e-subh ko kis tarah vo qazaa na kare

subh-e-kaazib ki havaa mein dard thaa kitnaa 'munir'
rail ki siiTi baji to dil lahu se bhar gayaa

aahon ke shole jis jaa uThte the 'mir' se shab
vaan jaa ke subh dekhaa musht-e-ghubaar paayaa