mere girya se na aazaar uThaane se huaa — Ziaul Mustafa Turk

abr se aur dhuup se rishta hai ek saa miraa
aaine aur charaagh ke biich kaa faasla huun main

tire ghayaab ko maujud mein badalte hue
kabhi main khud ko tire naam se bulaataa huaa

samajh paayaa nahin par sun rahaa huun
vo sargoshi mein kyaa kyaa kah rahi hai

thoDi si baarish hoti hai
kitni jaldi bhar jaataa huun

ham apne aap se bhi ham-sukhan na hote the
ki saari mushkilein aasaan mein paDi hui thiin

qatra qatra chhat se hi risne lagi
dhuup kaa rasta na thaa divaar mein