ek hi phuul tha bas gul-kada-e-husn men tu — Abdul Hai Aarfi

"miri har aah ah-e-be-asar hai vafur-e-yas teri bad-gumani"

"aa.i khizan ki yaad to dil sard ho gaya kuchh der bhi to lutf na aaya bahar ka"

"mohabbat khud mohabbat ka sila hai 'arfi' lekin koi asan hai kya be-niyaz-e-mudda.a hona"

"dil ko tapish-e-shauq ki ye lazzat-e-paiham mil to ga.i lekin baDi mushkil se mili hai"

"bahut badla mazaq-e-dil khayal-e-yar ne lekin jo shayan-e-mazaq-e-yar tha aisa kahan badla"

"hai 'arfi' ab ye asar-e-tark-e-tamanna aane lage vo aur bhi kuchh had se siva yaad"