ishq men aur bhi divana bana deti hai — Abr Ahsani Ganauri

"palaT aata huun main mayus ho kar un maqamon se jahan se silsila nazdik-tar hota hai manzil ka"

"tum kyon udaas ho ga.e maidan-e-hashr men kah do to dil ki dil men miri dastan rahe"

"shayad is baat pe lab mere siye jaate hain aah ke saath nikal jaa.e na arman koi"

"vahshiyon ko ye sabaq deti hui aa.i bahar taar baaqi na rahe koi garebanon men"

"kaun ab kashmakash-e-zist se de mujh ko najat kar chuka hai mira qatil nazar-andaz mujhe"

"ankhon men ashk daagh jigar men labon pe aah sab kuchh hai paas be-sar-o-saman nahin hain ham"