shayad is baat pe lab mere siye jaate hain — Abr Ahsani Ganauri

"palaT aata huun main mayus ho kar un maqamon se jahan se silsila nazdik-tar hota hai manzil ka"

"tum kyon udaas ho ga.e maidan-e-hashr men kah do to dil ki dil men miri dastan rahe"

"vahshiyon ko ye sabaq deti hui aa.i bahar taar baaqi na rahe koi garebanon men"

"kaun ab kashmakash-e-zist se de mujh ko najat kar chuka hai mira qatil nazar-andaz mujhe"

"ankhon men ashk daagh jigar men labon pe aah sab kuchh hai paas be-sar-o-saman nahin hain ham"

"ishq men aur bhi divana bana deti hai meri avaz men mil kar tiri avaz mujhe"