ye sha.iri ka takalluf badan pe achchha libas — Ahsan Gulfam

shahr ka shahr ye pichhe jo paDa hai mere
tere divane men kuchh baat to hoti hogi

— Ahsan Gulfam

itni mahnga.i hai marna bhi agar chahun to
zahr milta nahin bazar men sasta sahab

— Ahsan Gulfam

kahne ko faqat ibn-e-ali ibn-e-ali hain
dekho to kahin jazba-e-haidar nahin milta

— Ahsan Gulfam

mujh ko da.ava nahin yusuf sa hasin hone ka
phir bhi hai mera zulekhaon men charcha sahab

— Ahsan Gulfam

rahne ko apne paas koi chhat nahin magar
chiDiyon ke chahchahane ko angan bana diya

— Ahsan Gulfam

ab kahan milta hai ashiq koi sachcha sahab
zakhm hi koi laga den mujhe achchha sahab

— Ahsan Gulfam