kya log hain ki dil ki girah kholte nahin — Akhtar Hoshiyarpuri

"thi titliyon ke ta.aqub men zindagi meri vo shahr kya hua jis ki thi har gali meri"

"guzarte vaqt ne kya kya na chara-sazi ki vagarna zakhm jo us ne diya tha kaari tha"

"ye kya ki mujh ko chhupaya hai meri nazron se kabhi to mujh ko mire samne bhi laa.e vo"

"hamen khabar hai koi ham-safar na tha phir bhi yaqin ki manzilen tai kiin guman ke hote hue"

"kuchh itne ho ga.e manus sannaTon se ham 'akhtar' guzarti hai giran apni sada bhi ab to kanon par"

"log nazron ko bhi paDh lete hain apni ankhon ko jhuka.e rakhna"