zindagi! tujh ko magar sharm nahin aati kya — Khursheed Akbar

"dil hai ki tire paanv se pazeb giri hai sunta huun bahut der se jhankar kahin ki"

"dard ka za.iqa bata.un kya ye ilaqa zaban se bahar hai"

"dalilen chhin kar mere labon se vo mujh ko mujh se behtar kaTta hai"

"chehre hain ki sau rang men hote hain numayan a.ine magar koi siyasat nahin karte"

"sahil se suna karte hain lahron ki kahani ye Thahre hue log baghavat nahin karte"

"yahan to rasm hai zindon ko dafn karne ki kisi bhi qabr se murda kahan nikalta hai"