taghayyurat ke aalam men zindagani hai — Nushur Wahidi

main tinkon ka daman pakaDta nahin huun
mohabbat men Duuba to kaisa sahara

— Nushur Wahidi

zamana yaad kare ya saba kare khamosh
ham ik charagh-e-mohabbat jala.e jaate hain

— Nushur Wahidi

ek rishta bhi mohabbat ka agar TuuT gaya
dekhte dekhte shiraza bikhar jaata hai

— Nushur Wahidi

zindagi qarib hai kis qadar jamal se
jab koi sanvar gaya zindagi sanvar ga.i

— Nushur Wahidi

khaak aur khuun se ik sham.a jala.i hai 'nushur'
maut se ham ne bhi sikhi hai hayat-ara.i

— Nushur Wahidi

zindagi parchha.iyan apni liye
a.inon ke darmiyan se aa.i hai

— Nushur Wahidi