jaur-e-aflak ki shirkat ki zarurat kya hai — Safdar Mirzapuri

qimat-e-jins-e-vafa nim-nigahi tauba
aisi baten na karen aap ki sauda na bane

— Safdar Mirzapuri

zara vo khaak men milne na de khun-e-shahidan ko
khuda taufiq de itni zamin-e-ku-e-janan ko

— Safdar Mirzapuri

ghar to kya ghar ka nishan bhi nahin baaqi 'safdar'
ab vatan men kabhi ja.enge to mehman honge

— Safdar Mirzapuri

ik nigah-e-ghalat-andaz sahi
dil ki akhir koi qimat hogi

— Safdar Mirzapuri

qismaton se mila hai dard hamen
kahin aram-e-dil na ho jaa.e

— Safdar Mirzapuri