muddat hui hai dast-o-gareban hue hamen — Yaseen Zameer

mumkin hai ashk ban ke rahun chashm-e-yar men
mumkin hai bhuul jaa.e gham-e-rozgar men

— Yaseen Zameer

zanjir zulf-e-siyah samundar nigah-e-shokh
ja.un kahan farar ka rasta koi to ho

— Yaseen Zameer

har aankh ik saval tahi-dast ke liye
kab tak marunga mere khuda baar baar main

— Yaseen Zameer

kuchh vaqt apne saath guzarunga main 'zamir'
khud se agar mila jo kabhi ku-e-yar men

— Yaseen Zameer

kis se karun main apni tabahi ka ab gila
khud hi kaman-ba-dast huun khud hi shikar main

— Yaseen Zameer