All Writings Of Abu Leveeza Ali

"naam kī apne maalā japne do ban ke jogī kahīñ pe khapne do manzar-e-ām se zarā pahle manzar-e-ḳhās tak pahuñchne do Thiik hai chhoḌ kar chale jaanā par mirā ishq to panapne do ho rifāqat binā mohabbat ho chaar āñkheñ huiiñ haiñ sapne do dil mire ser kyoñ nahīñ hotā oh ho aañkh to jhapakne do ḳhud hī ik din banūñgā maiñ gulzār ishq kī aag hai bhaḌakne do"

"aañkh kā ishāra hai ham pe āshkārā hai tīr-e-nīm-kash hai kab ye nazar to aarā hai hai jo ishq kā chakkar sar-ba-sar ḳhasāra hai dard kī hukūmat hai aur dukh sahārā hai ai mirī matā-e-jāñ ham meñ kyā hamārā hai dil ko ġham haiñ duniyā ke aur dil tumhārā hai hijr do ghaḌī kā hī aag hai sharāra hai mujh meñ ek dariyā hai aur ik kināra hai"

"the jo sukūn-e-jāñ kabhī vo baar ban ke chal diye so ham vafā kī raah meñ ġhubār ban ke chal diye jo raat aañkh meñ rahī to sab nasha hiran huā surūr ban ke aa.e the ḳhumār ban ke chal diye nigāh ko bhā rahīñ haiñ kab vo sā'ateñ jo 'aish thiiñ jo ḳhair ban ke aa.e the vo ḳhaar ban ke chal diye qarār the ḳhumār the havā pe vo savār the vo jo ki nūr-e-'ain the vo naar ban ke chal diye vo jo halq ke paas the jo the talab jo pyaas the jo der tak the aasrā vo daar ban ke chal diye vo bholpan vo sādgī fareb thā vo lahja hī jo mar rahe the yaañ abhī vo maar ban ke chal diye"

"the jo sukūn-e-jāñ kabhī vo baar ban ke chal diye so ham vafā kī raah meñ ġhubār ban ke chal diye jo raat aañkh meñ rahī to sab nasha hiran huā surūr ban ke aa.e the ḳhumār ban ke chal diye nigah ko bhā rahīñ haiñ kab vo sā'ateñ jo 'aish thiiñ jo ḳhair ban ke aa.e the vo ḳhaar ban ke chal diye qarār the ḳhumār the havā pe vo savār the vo jo ki nūr-e-'ain the vo naar ban ke chal diye vo jo halq ke paas the jo the talab jo pyaas the jo der tak the aasrā vo daar ban ke chal diye vo bholpan vo sādgī fareb thā vo lahja hī jo mar rahe the yaañ abhī vo maar ban ke chal diye"

"paañv jab mere āsmān meñ the us ghaḌī aap hī dhyān meñ the jis ghaḌī ham bahut the pur-ummīd us ghaḌī aap ke jahān meñ the usrat-e-zīst ham ġharīboñ par dhuup chhūTī to ham thakān meñ the sair dīvār-o-dar kī kī ham ne aish thī raat ham makān meñ the yaad rahte to chuur ho jaate ḳhvāb kyā kyā mire gumān meñ the yaad hai ham bhī kār-āmad the tiir the aur tirī kamān meñ the kis qadar ho chalī hai be-zārī dil meñ bhī ham the ham to jaan meñ the"

"kisī kā ḳhat hai yā ye ġhazal hai ye kaisā parcha paḌā huā hai gulāl se lab bane haiñ is meñ kitāb chehra banā huā hai nigāh us kī hai jhiil jaisī kamān jaisī bhavoñ ke nīche to surḳh hoñToñ ke ek jānib bhī til kā pahra lagā huā hai haañ sabz qindīl jal rahī hai balā kī surḳhī ubal rahī hai adā se palkeñ jhukī huiiñ haiñ hayā kā āñchal paḌā huā hai lo ab hamārī saqīl āñkheñ qadīm rastoñ pe chal paḌī haiñ vafā ke khañDar se kuchh pare hī hamārā malba paḌā huā hai safed bāloñ ke pīchhe apnī javān umrī ke pal nahīñ haiñ hai ahd-e-tiflī kā ek būḌhā jo laḌkhaḌātā khaḌā huā hai bahut hasīñ hai ye sachchā motī jo rañg se is ke munsalik hai magar use ye ḳhabar nahīñ hai hamārā aañsū juḌā huā hai hai chaap us kī hamārī dhaḌkan jo dil meñ dhak dhak lagī huī hai firāq us kā visāl hī hai vo ban ke dhaḌkā lagā huā hai bahut sañvārā musavviroñ ne bahut se Daale haiñ rañg is meñ magar ye sūrat hai merī sūrat so rañg is kā uḌā huā hai"

"palaT jaanā koī mushkil nahīñ thā mirā hī vāpsī kā dil nahīñ thā matā-e-zīst lā-hāsil nahīñ thā vale paane ke maiñ qābil nahīñ thā vo chhuriyāñ dhaar jis par ho rahīñ thiiñ mirā hī dil thā koī sil nahīñ thā khulā bāb-e-junūñ jab mujh pe yaaro mirā tab koī mustaqbil nahīñ thā marīz-e-ishq hone tak sunā hai adhūrī zaat thā kāmil nahīñ thā mujhe ġharqāb thā az had zarūrī vagarna ziist ke qābil nahīñ thā maiñ pyāsā thā magar hoñToñ se mahrūm samundar thā magar sāhil nahīñ thā na do ilzām bhauñre ko 'alī' tum vo hargiz phuul kā qātil nahīñ thā"

"shahr-e-dil be shabāb hai kam hai jitnī hālat ḳharāb hai kam hai tujh ko singār kī zarūrat kyā par ziyā ruḳh kitāb hai kam hai us tajallī pe parda rakhne ko ye jo ruḳh par hijāb hai kam hai terī duniyā ke jo divāne haiñ un kā ḳhāna-ḳharāb hai kam hai ek ummīd dil kī hai mushkil chashm qaid-e-sarāb hai kam hai zindagī tujh pe kyoñ marā jaa.e ye jo jiinā 'azāb hai kam hai mai-kashī gar 'ilāj-e-ġham Thahrī phir to jitnī sharāb hai kam hai ik taḳh.īl se hī is dil kī ye jo hālat ḳharāb hai kam hai zabt kā ḳhud pe ajr hai lekin jitnā us kā savāb hai kam hai kar do masla hamāre lāshe kā gar ye hukm-e-janāb hai kam hai shahr kī tīrgī miTāne ko haath meñ āftāb hai kam hai"

"shikast-e-ḳhurdgī ke baad hausla nahīñ huā jo chūkā pahlā vaar hī to dūsrā nahīñ huā kahā huā sunā huā likhā huā nahīñ huā hamāre haq meñ to koī bhī faisla nahīñ huā sukūt-e-lab kā vo sabab haiñ siskiyāñ vo hichkiyāñ nigāh-e-ishq se faro vo hādisa nahīñ huā tamām dil ke pārche bikhar chuke zamīn par hisāb rakhne vaale kā muhāsba nahīñ huā palaT ga.e tamāsh-bīñ ga.ī vo sho.abada-garī thī guñg vo zabān jab kahā huā nahīñ huā tumhāre naqsh-e-pā pe maiñ jo chal rahā huuñ der se maiñ ḳhatm ho rahā to huuñ pa rāsta nahīñ huā"

"milī hai chhuTTī so tū bhī apnoñ ko jā milegā hamārī āñkhoñ kā kī ḳhair phir jāgnā milegā na aa.ine se hī ḳhud ye pūchheñ ki aap kyā haiñ bahut mileñge magar kahāñ aap sā milegā vo apnā haamī ye kah rahā thā ki terī ḳhātir jo jañg huī to vo pahlī saf meñ khaḌā milegā hamārī āñkhoñ se chain le kar tū so sakegā tū hī batā tujh ko aisā karne se kyā milegā charāġh-e-saharī sī dil kī hālat milegī tum ko jo tum miloge to dil hamārā bujhā milegā hazār rañgoñ kā ek sapnā sajā rahe ho hazār rātoñ kā tohfatan ratjagā milegā tumhārī āñkhoñ ke sabz rañgoñ meñ dilkashī hai maiñ raat jaagā huuñ merī āñkhoñ meñ kyā milegā hamārā chehrā udāsiyoñ se banā huā hai hamāre chehre kā rañg aksar uḌā milegā"

"paañv jab mere āsmān meñ the us ghaḌī aap hī dhyān meñ the jis ghaḌī ham bahut the pur-ummīd us ghaḌī aap ke jahān meñ the usrat-e-zīst ham ġharīboñ par dhuup chhūTī to ham thakān meñ the sair dīvār-o-dar kī kī ham ne aish thī raat ham makān meñ the yaad rahte to chuur ho jaate ḳhvāb kyā kyā mare gumān meñ the yaad hai ham bhī kār-āmad the tiir the aur tirī kamān meñ the kis qadar ho chalī hai be-zārī dil meñ bhī ham the ham to jaan meñ the"

"pahle kulfat uThā.ī daftar kī phir uThe ḳhaak chhānī dar-dar kī tum ko DhūñDā na dil ke ḳhānoñ meñ ham ne kunDī bajā.ī har ghar kī ham to sahrā-navard haiñ bhaa.ī baat kar yuuñ na ham se tū ghar kī dard se phaT rahā ho jin kā sar un ko hājat nahīñ hai patthar kī terī yādoñ se siina chiir liyā aur bātoñ ne jā lī ḳhanjar kī dard ko dil kā de diyā rasta aur phir ham ne lī ḳhabar sar kī maare maare phire tirī ḳhātir sahrā-sūrat banā lī hai ghar kī ham ko ik laash to girānī hai kaun silvaT sameTe bistar kī"