Shayari Of Ankit Maurya

"pūchhte ho ishq kyā hai ik zarūrī hādisa hai hai duā bas lab pe sab ke aur dil meñ badduā hai bin tumhāre merā jīvan ek adhūrā vāqi.a hai ye milī to jashn kaisā zindagī to ik sazā hai kuchh nahīñ badlā hai is meñ saal ye bhī ġham-zada hai aaTh sau din baad us ko ishq dhokā lag rahā hai hañsne vaale ro rahe haiñ jaane vaalā jā chukā hai haath meñ rakkhī hai cigarette jalne ko to dil jalā hai"

"jaate vaqt tujhe to ham hañstā dekheñge phir ā.īne meñ ḳhud kā ronā dekheñge ek dafa ham ne tum ko jī bhar dekhā thā ham ba.ad tumhāre ab kyā duniyā dekheñge aap ne merī āñkhoñ meñ dariyā dekhā hai thoḌā ruk jaa.eñ to phir sahrā dekheñge un āñkhoñ meñ aur kisī kā chehra dekhā ham is se ziyāda kyā aur burā dekheñge kaun nibhātā hai tā-umr kisī se rishta phir tujh ko bhī ham hairat se kyā dekheñge"

"baañT Daale aise ham ne dil ke TukḌe kaaT kar janm-din pe bāñTte haiñ cake jaise kaaT kar ik añgūThī le na paa.eñ itne meñ us ke liye joḌ rakkhe the jo paise jeb ḳharche kaaT kar ham nadī ke do kināre milnā to mumkin nahīñ par mileñge ek din donoñ kināre kaaT kar hausloñ pe in parindoñ ke na karnā shak kabhī hai rihā honā jinheñ piñjra paroñ se kaaT kar ishq jis meñ nā bichhaḌne kā zarā bhī Dar rahe khelnā hai khel par sāñpoñ ke khāne kaaT kar zindagī se aise kaaTā scene us ne ishq kā dekhtā hai koī jaise film gaane kaaT kar"

"haiñ bahut kaam zindagī ke paas nahīñ ruknā hai bas mujhī ke paas milne aanā to aise aanā tum chhoḌ ke vaqt ko ghaḌī ke paas rok rakhā thā vaqt jis ke liye nahīñ hai vaqt ab usī ke paas dost ham haiñ kisī ke Thukrā.e jā nahīñ sakte ab kisī ke paas dekhnā kaun chāhe vaqt apnā aañkh jaatī hai ḳhud ghaḌī ke paas yaad aatī haiñ jhiil sī āñkheñ baiThe rahte haiñ ham nadī ke paas"

"vahī ab ho gayā dushman hamārā kabhī hotā thā jo darpan hamārā tumheñ to saath duniyā dikh rahī hai na samjhoge akelā-pan hamārā ġhazal kī raah pe ham nikle jis din usī din kho gayā bachpan hamārā uThī dīvār dil meñ bhā.iyoñ ke bilak kar ro paḌā āñgan hamārā azānoñ meñ bhajan meñ aap uljheñ hameñ pyārā hai jan gan man hamārā"

"shiddat se mujh se haath chhuḌāne ke bāvajūd thoḌā sā rah gayā hai vo jaane ke bāvajūd apne safar ke vaqt meñ tanhā hī rah gayā ik 'umr dostoñ pe luTāne ke bāvajūd koī savāl zindagī kā hal nahīñ huā paḌhne meñ saarī 'umr gañvāne ke bāvajūd apnā ham ek shaḳhs ikaTThā na kar sake apnoñ ke biich shor machāne ke bāvajūd lailā nahīñ milī so maiñ majnūñ na ban sakā sahrā meñ ḳhuub ḳhaak uḌāne ke bāvajūd hairat hai mere haath salāmat haiñ ab talak sho'la-badan ko haath lagāne ke bāvajūd"

"rahī marzī bas us kī hī jise jaisā banā Daalā kabhī jo taaj thā sar kā use kaasa banā Daalā banā.ī bhī zamīñ us ne to ik jaisī nahīñ ye bhī kahīñ sahrā kahīñ jangal kahīñ dariyā banā Daalā ham aisoñ ko banā kar ke ḳhudā uktā gayā thā phir tirī āñkheñ banā Dālīñ tirā chehra banā Daalā banānā thā use dariyā sañbhāle ek sāhil ko to ik tujh sā banā Daalā phir ik mujh sā banā Daalā"

"donoñ taraf se rabt ke pahlū nikāl kar vo le gayā hai aañkh se aañsū nikāl kar in ke sahāre kuchh na.ī sī dhun banā.ūñgā laayā huuñ us ke paañv se ghuñghrū nikāl kar vo husn bhī lage hai mujhe tab se 'aam sā jab se gayā vo 'ishq kā jaadū nikāl kar jhapkī thī maiñ ne aañkh bhī jis ke yaqīn par vo jā chukā hai niiñd meñ baazū nikāl kar mujh ko badan nasīb thā par ruuh ke baġhair us ne diyā bhī phuul to ḳhushbū nikāl kar"

"jahāñ sab apne kārobār meñ uljhe hue haiñ vahīñ dekho ki ham sansār meñ uljhe hue haiñ ulajhne kā vahāñ apnā maza hai is liye ham kisī ke kākul-e-ḳhamdār meñ uljhe hue haiñ udhar hairat meñ koī aa gayā sun kar kahānī idhar ham is kahānī-kār meñ uljhe hue haiñ unheñ ye baat samjhāte hue maiñ thak gayā huuñ ki mujh se aap to bekār meñ uljhe hue haiñ"

"tamām muddat tū jis kī ḳhātir ḳhudā rahā hai vo ab mire dar pe aa ke sar ko jhukā rahā hai dikhā rahā thā maiñ jis ko manzil kī kab se rāheñ vo baḌh ke aage mire hī raste meñ aa rahā hai ḳhudā ko maano na maano vo sab tumhārī marzī magar koī hai yahāñ jo sab kuchh chalā rahā hai maiñ ab yahāñ pe dobāra aane se Dar rahā huuñ aur ek tū hai jo is ko duniyā batā rahā hai nigāh baḳhshī hai jis ko maiñ ne dikhā.ī duniyā vo aaj dekho mujhī ko āñkheñ dikhā rahā hai tumheñ banā ke bachī jo miTTī ḳhudā usī se hasīn logoñ ke saare zevar banā rahā hai"

"rāt-din kā sab sukūñ bechainiyoñ meñ aa gayā hai dard saarā niiñd kī kuchh goliyoñ meñ aa gayā hai do baras meñ hādsoñ ne kar diyā hai haal aisā mujh meñ jo thā shor vo ḳhāmoshiyoñ meñ aa gayā hai ik judā.ī lafz guzrā us se ho kar train jaise aur koī train kī in paTriyoñ meñ aa gayā hai thā koī TuuTā sitārā āsmāñ se aur us kā nuur saarā kaan kī in bāliyoñ meñ aa gayā hai lab raheñ ḳhāmosh sāñseñ guftugū kartī rahīñ aur darmiyāñ jo shor thā vo chūḌiyoñ meñ aa gayā he"

"burā hai haal is darja hamārā koī bhī shaḳhs na.iiñ hotā hamārā hamāre darmiyāñ duniyā khaḌī hai bahut mushkil hai jaañ milnā hamārā rakhī thī le ke copy ham ne us kī ḳhushī se jhuum uThā basta hamārā to kyā ye baat bhī kahnī paḌegī tere bin jī nahīñ lagtā hamārā tumheñ to sach meñ aisā lagtā hai nā kabhī bhī dil nahīñ dukhtā hamārā"