Shayari Of Fay Seen Ejaz

jo marā hai hādse meñ mirā us se kyā thā rishta
ye saḌak jo ḳhuuñ meñ tar hai mujhe kyuuñ pukārtī hai

kaise aatā hai dabe paañv gunāhoñ kā ḳhayāl
kitnī ḳhāmoshī se darvāza khulā thā pahle

maiñ ne dekhā hai vo insān tumhāre andar
raam ban jāoge rāvan to nahīñ ban sakte

"thake to aise thake pahlī raat taqrīban ḳhudā.ī kar ga.e mehñdī ke haath taqrīban hamāre bas meñ use de ke yuuñ lagā jaise ḳhudā ne sauñp dī thī kā.enāt taqrīban na koī jhoñk na jhapkī hī aañkh meñ aa.ī guzar chalī thī guzarne kī raat taqrīban har ik maqām par apnā hī sāmnā ḳhud se harīf ban ga.ī apnī hī zaat taqrīban qadam qadam pe zamāne ke kaam yuuñ aa.e Dubo ga.iiñ hameñ apnī sifāt taqrīban ka.ī hazār shagūfe khilā ga.ī dil meñ jo zer-e-lab hī kahī ek baat taqrīban vahīñ pe chhūT gayā apnā saath bhī ham se jahāñ par aa ke chhuTā un kā haath taqrīban"

"saarā peḌ harā thā us meñ ek hī pattā piilā thā man-pīpal ko dhuup meñ dekhā dard baḌā chamkīlā thā us kī mastī us kī bātoñ kā maiñ zimma-dār nahīñ maiñ kuchh aisā shoḳh nahīñ thā vo hī thoḌā nashīlā thā puure chāñd se barsā jaadū jism nahīñ do saa.e the hadd-e-nazar tak naqsh-e-qadam the yā phir ret kā Tiila thā rafta-rafta miT hī gayā ḳhud us kī be-rahmī kā daaġh yādoñ ke raushan chehre par ek nishāñ jo niilā thā āñkhoñ ko ma.alūm nahīñ thā kitne jharne niir bahe sub.h ko ye ehsās huā ki puurā takiya giilā thā jis ke lams-e-tamanna par puurā īmāñ thā puurā yaqīn kal jab us se marham māñgā us kā lahja kaTīlā thā aaj bhī mere man ke andar koī bālak rahtā hai tum ne dekhā us ke aage aaj bhī maiñ sharmīlā thā"

"baḌī baḌī 'imāratoñ ko hairatoñ se dekhnā phir us ke baa'd apne ghar ko āñsuoñ se dekhnā ḳharīd laao sab se mahñgī chūḌiyāñ jahān kī phir ek ḳhvāb rañg-birangī chūḌiyoñ se dekhnā kisī kī aartī suhāg ke liye utārnā phir apnī hī chitā ko surma.ī dhuon se dekhnā baḌā 'ajab gunāh hai baḌī 'ajīb baat hai ye ek dūsre ko bhīgī chāhatoñ se dekhnā ham ek puurī dāstāñ haiñ yaad kar ke dekhiye kabhī hameñ vafā ke TuuTe silsiloñ se dekhnā kahāñ-kahāñ jale charāġh le kar ham khaḌe rahe hamārī zinda dāstāñ ko khanDaroñ se dekhnā bahut qarīb ham ko apnī āhaToñ se pāoge nazar se duur jā ke ham ko rāstoñ se dekhnā zamīñ se āsmāñ talak na koī baat pāoge kabhī kabhī ġhazal ko us ke qāfiyoñ se dekhnā"

"mire ghar kī īñTeñ churā le gayā vo nahīñ jāntā hai ki kyā le gayā vo use kyā zarūrat thī vo jāntā hai jo ghar meñ parāyā ḳhudā le gayā vo sar-e-rāh jis ne kiyā qatl merā sitam hai mirā ḳhūñ-bahā le gayā vo mirā rotā bachcha bahaltā thā jis se vo lakḌī kā hāthī uThā le gayā vo saḳhāvat ne us ko dhanī kar diyā hai faqīroñ kī sachchī du'ā le gayā vo use to zarūrat thī chingāriyoñ kī havāoñ meñ sho'le dabā le gayā vo vo kal aa.egā aag is meñ lagāne mirī jhoñpaḌī kā pata le gayā vo lubhāne kī us meñ adā kab thī pahle mirī shā'irī kī adā le gayā vo vo but ham se mil kar banā somnātī ki sone kā paanī chaḌhā le gayā vo"

"terī pāzeb ne kyā niiñd meñ sāñseñ lī haiñ maiñ ne kis reshmī jhankār se bāteñ kī haiñ jagmagāte hue mahtāb se kirneñ le kar baat ke zaḳhm nahīñ zaḳhm kī rāteñ sī haiñ apne hī sāmne lagtā hai banā ho ye jahāñ aaj ik pal meñ ka.ī yug ka.ī sadiyāñ jī haiñ ab nahīñ hotā kisī saañp ke kaaTe kā asar 'ishq meñ zahr kī ham ne ka.ī nadiyāñ pī haiñ mehrbānī kī koī ek nazar ham par bhī chāhne vāloñ meñ tere mirī jaañ ham bhī haiñ jis ne ik baar havas se nahīñ dekhā tujh ko vo gunahgār koī aur nahīñ ham hī haiñ"

"ġham duniyā ke yaad jab aa.eñ us kī yaad bhī aane do ik nashshe meñ aur ik nashsha ai yaaro mil jaane do āḳhir ham ko apne haal pe ḳhud ronā ḳhud hañsnā hai yaaro ab kuchh der to Thahro thoḌī taab to laane do murjhāne se pahle dil ko ek hañsī kī hasrat kyuuñ band kalī ko kuchh bhī nahīñ to ek tabassum paane do kis anmol pashemānī kī daulat hai in ā.ankhoñ meñ palkoñ par do aañsū jhamkeñ motī ke se daane do us dilbar ko pyaas hamārī kuchh taskīn to detī hai jis ne ham par khol diye haiñ ā.ankhoñ ke mai-ḳhāne do ham bhī apnā hosh gañvā kar sab ke jaise ho jaa.eñ khul hī ga.ī hai jab botal to bhar ke do paimāne do"

"ḳharch jab ho ga.ī jazboñ kī raqam aap hī aap khul gayā ham pe hasīnoñ kā bharam aap hī aap ab ke rūThe to manāne nahīñ aayā koī baat baḌh jaa.e to ho jaatī hai kam aap hī aap roz baḌhtā thā koī dast-e-talab apnī taraf sar se hotā hogā ik bojh bhī kam aap hī aap un ke va.adoñ pe koī din to guzāra kiije aap ban jā.eñge tasvīr-e-alam aap hī aap jaise bujhtā hai koī phuul sharāra ban kar husn kī aañch bhī ho jā.egī kam aap hī aap ābgīnoñ kī tarah TuuT gayā TuuT gayā ḳhvāb-e-yūsuf meñ zuleḳhā kā bharam aap hī aap shāḳh-e-tanhā.ī se phal toḌeñge chupke chupke ishq ke ye bhī maze lūTeñge ham aap hī aap der tak chhā.ī rahī ek udāsī dil par jaane kyā soch ke phir hañs diye ham aap hī aap maiñ kahāñ aayā huuñ laa.e haiñ tirī mahfil meñ mirī vahshat mire majbūr qadam aap hī aap"

"qānūn se hamārī vafā do tarah kī hai insāf do tarah kā sazā do tarah kī hai ik chhat pe tez dhuup hai ik chhat pe bārisheñ kyā kahiye āsmāñ meñ ghaTā do tarah kī hai kis ruḳh se tum ko chāheñ bhalā kis pe mar miTeñ sūrat tumhārī jalva-numā do tarah kī hai kāñToñ ko aab detī hai phūloñ ke saath saath apne liye to bād-e-sabā do tarah kī hai ḳhush ek ko kare vo kare ek ko nā-ḳhush mahbūb ek hī hai adā do tarah kī hai aisā kareñ ki aap kahīñ aur jā baseñ is shahr meñ to āb-o-havā do tarah kī hai"

hazāroñ saal kī thī aag mujh meñ
ragaḌne tak maiñ ik patthar rahā thā