Saghar Nizami

sajde miri jabin ke nahin is qadar haqir
kuchh to samajh raha huun tire astan ko main

kafir gesu valon ki raat basar yuun hoti hai
husn hifazat karta hai aur javani soti hai

DhunDhne ko tujhe o mere na milne vaale
vo chala hai jise apna bhi pata yaad nahin

nazar karam ki faravaniyon pe paDti hai
phir apne daman-e-khaki ko dekhta huun main

vo saval-e-lutf par patthar na barsa.en to kyuun
un ko parva-e-shikast-e-kasa-e-sa.il nahin

tere naghmon se hai rag rag men tarannum paida
ishrat-e-ruh hai zalim tiri avaz nahin

sailaab-e-tabassum se darmaan-e-jaraahat kar
TukDe dil-e-bismil ke aaluda-e-khun kab tak

vo savaal-e-lutf par patthar na barsaaein to kyuun
un ko parvaa-e-shikast-e-kaasa-e-saail nahin

dil ki barbaadiyon kaa ronaa kyaa
aise kitne hi vaaqiaat hue

sajde miri jabin ke nahin is qadar haqir
kuchh to samajh rahaa huun tire aastaan ko main

DhunDhne ko tujhe o mere na milne vaale
vo chalaa hai jise apnaa bhi pataa yaad nahin

husn ne dast-e-karam khinch liyaa hai kyaa khuub
ab mujhe bhi havas-e-lazzat-e-aazaar nahin