Shehla Kaleem

hasil hua hai tujh ko mujhi se shu'ur-e-zat
main tera aa.ina huun mira ehtiram kar

kuza-gar kis ko mayassar rahi fursat teri
kyon hamen chaak se 'ujlat men utara tu ne

mo'jizat-e-dast-e-kun dekhne the so ham ne
pattharon pe de maara khud ko a.ina kar ke

bazm-e-falak men kaun hai us ki ra'na.i ka mahram-e-raz
kis ko apne daman-e-dil ke daagh dikha.ega mahtab

agar main chahun bas ik chaal se ulaT duun bisat
mujhe khabar hai kahan kis ne daao khela hai

shikastagi thi kuchh aisi ki kuza-gar mera
bana ke mujh ko baDi der tak udaas raha

haasil huaa hai tujh ko mujhi se shu'ur-e-zaat
main teraa aaina huun miraa ehtiraam kar

kuza-gar kis ko mayassar rahi fursat teri
kyon hamein chaak se 'ujlat mein utaaraa tu ne

mo'jizaat-e-dast-e-kun dekhne the so ham ne
pattharon pe de maaraa khud ko aaina kar ke

agar main chaahun bas ik chaal se ulaT duun bisaat
mujhe khabar hai kahaan kis ne daao khelaa hai

shikastagi thi kuchh aisi ki kuza-gar meraa
banaa ke mujh ko baDi der tak udaas rahaa

ai naqsh-gar yaqin kar achchhaa nahin banaa
laa phir se kaaenaat kaa naqsha banaaun main